Farriin lagu qoray bogga tuwitter-ka madaxtooyada ayaa faray Mudane Fahad Yaasiin Xaaji Daahir in uu sii wado hoggaaminta Hay’adda Sirdoonka iyo Nabadda Sugidda Qaranka. Waa khilaaf ka muuqday madaxweynaha iyo wasiirkiisa Kowaad oo in hoos loo xalliyo ku wanaagsaneyd.
Ra’iisul Wasaaraha XFS Soomaaliya Mudane Maxamed Xuseen Roble ayaa shaqada ka joojiyay Agaasimihii guud ee Hay’adda Nabad Sugidda iyo Sirdoonka Qaranka Fahad Yaasiin Xaaji Daahir, waxa uuna si KMG ah Agaasimaha guud ee NISA ugu magacaabay Sarreeye Guud Bashiir Maxamed Jaamac. Xeer ilaaliyaha maxkamadda ciidamada ayaa la firay inuu baaris sameeyo, sharcigana horgeeyo cidda yeelata masuuliyadda.
